حصري الفوركس كيفية البداية وما النهاية ؟

الموضوع في 'مجلس التحليل اليومي والدوري' بواسطة toubarpro, بتاريخ ‏6/10/2018.

  1. toubarpro

    toubarpro عضو

    إنضم إلينا في:
    ‏6/10/2018
    المشاركات:
    4
    العمر الفوركسي:
    من 5 الى 8 عام
    الخبرة البرمجية:
    لايوجد
    بسم الله الرحمن الرحيم
    السلام عليكم ورحمة الله وبركاته،،،
    تحية طيبة واما بعد
    دي اول مشاركة ليا في المنتدى واحب اوضح فيها وجهة نظري المتواضعة في الفوركس بالاضافة اني هعمل حساب حقيقي
    خاص بالموضوع يثبت وجهة نظري المتواضعة بردو،،،،
    الموضوع هيبقى متلخص في النقاط التالية:
    1) الفرق بين الحساب الكبير والصغير في الفوركس
    2) نظرية التحليل الفني
    3) ليه بتخسر ؟
    4) تطبيق حقيقي للحسابات الصغيرة

    أولا: الفرق بين الحسابات الكبيرة والصغيرة في الفوركس
    الحساب الكبير بتكون مخاطرته اقل وفي نظر الحسابات الصغيرة عوائده اكبر ، الحسابات الكبيرة او الرجالة الكبار في الفوركس
    بيستهدفوا 20% في السنة و دا بالنسبلهم رقم عظيم جدا،،،،،،،
    الحساب الصغير دائما بيحلم انه يحقق 1000000000000 % في السنة ودا مستحيل
    علشان كدا شركات الفوركس بتديك اعلانات انك تودع مثلا 500 دولار و تديك بونص 100% ليه يا ترى ؟
    عشان عارفة انك هتنسف الحساب سريعا،،،،، وغالبا دي شركات نصابة واستثمار ناجح تخيل 100 واحد اسبوعيا
    اودع 500 دول يساووا خمسين الف دولار اسبوعيا يعني في السنة 2 مليون و 600 الف دولار
    دائما خليك منطقي بخصوص الارباح والخسائر ولو حسابك صغير الافضل بدل ما تبدأ تبني نفسك من أ إلى ي
    حاول تشوف طريقة نسبتها 50-50 و تطبق الاستراتيجية انك تعظم مكاسبها للنهاية لان دا هيكون اخر مكسب ليك
    تقريبا بريسك عالي يعني من الاخر تستخدم نظرية التعزيز

    2) نظرية التحليل الفني
    كل التحليلات للمبتدئين او العباقرة صحيحة ،،، بس للأسف بتختلف لمنظورك لل pip مش معقول في الفوركس
    انك تقول ان نظريتك غلط لو عكس السعر عليك 50 او 100 او 200 نقطة
    لو حصل بص وارجع لورا بعد فترة هتلاقي تحليلك كان صح في الاخر
    نظرتنا لل pip بتختلف من حساب كبير لحساب صغير
    ما تروحش تاخد توصية لواحد راسم شارت وبيقلك الدخول من كذا و التارجت مثلا 600 نقطة
    وما يقلش حاجة عن وقف الخسائر،،،، وفي ناس ما شاء الله يقولك التارجت مفتوح
    يعني ايه الكلام دا ،،، يعني استنى لما العملة تنتهي ولا لما حضرتك تقولي و لا بمزاجي

    3) ليه بتخسر ؟
    الخسارة دي امر طبيعي جدا،،، عادي الواحد يخسر بس في واحد بيخسر 1 % من حسابه
    وفي واحد بيخسر 50 % من حسابه
    طبعا غالبا الي بيخسر 50% من حسابه بيبقى حسابه لحد 2000 دولار مثلا لان صبره بيخلص
    من اسباب الخسارة التانية،،، التوقيت
    توقيت دخولك ممكن مش مناسب اختار الاوقات الي بيبقى فيها سيولة لان هي دي الاوقات الي بيبقى فيها اقل اسبريد
    انت دلوقتي واحد من الناس عاوز تجازف فليه تجازف ب 7 بيب مثلا ب 70 $ لما ممكن تجازف ب 2 بيب ب 20 دولار
    رسوم فتح الصفقة.......... وقتك بيفرق كتير،،،،، وخصوصا الواحد معندوش صبر،،،، طبعا احسن ايام الاسبوع
    بتبقى الاربعاء والخميس ونص الجمعة
    من اهم اسباب الخسارة و هي ،،، مفهوم الاغلاق بعد الكسر،،،،
    واعادة الاختبار،،،،، دا افشل حاجة شوفتها في حياتي الصراحة
    سبحان الله هتلاقيها صح لما تخش متسرع في الصفقة و غلط لما تستنى اعادة الاختبار
    عموما ،،،،،،،،، خلينا نخش على الموضوع الي بعده

    4) تطبيق على حساب حقيقي !
    طيب دلوقتي جينا لمرحلة كويسة جدا،،،،،، والسؤال الي بيطرح نفسه هنا انت عاوز تخسر كام ؟؟؟؟؟
    دلوقتي هنتخيل اننا اصحاب حسابات كبيرة،،،،، وليكن معانا 30000 دولار
    وعاوزين نخاطر ب 1% من الحساب عشان نكسب 2 او 3% ؟
    لا احنا هنخاطر ب 1% من الحساب عشان نكسب 20%
    يعني احنا عاوزين نكسب 6000 دولار
    وبعد ما قررنا اننا نخسر ال 300 دولار نبدأ نفكر هوا انا ممكن اتداول في ايه
    هيطلعلي واحد يقلي نقسم ال 300 على 6 او 7 صفقات هقلك تمام سليم بس ليه وجع الدماغ
    منتى خلاص نويت تخسرهم
    خلينا نفكر بس ونشوف ايه الاحتمالات الي عندنا
    خلينا نقارن يا اخي الاول ،،،،،،،،،،، نفكر زي الكبار
    خلينا نقارن اقتصاد امريكا باقتصاد اوروبا باقتصاد بريطانيا
    هنلاقي ايه باختصار ،، هنلاقي ان امريكا احسن 10 مرات مثلا
    طيب بالنسبة لليورو الي التضخم عندها فيستك ،،،، لازم الدولار يبقى قوي عشان يبدؤوا يحصل عندهم تضخم
    طيب بالنسبة لبريطانيا الي اتفشخت من الانفصال هل تفتكر ان هيبقى فيه صفقة لصالحهم من غير ما يفتحوا الحدود لاوروبا
    طب هل هيفتحوا الحدود لاوروبا،،، اوعى تقلي مش عارف لاء طبعا عارف
    لان الانتخابات بتاعت الانفصال اصلا مش عشان التجارة ولا بطيخ دول عشان يقفلوا الحدود على المواطنين الانجليز
    طيب يبقى احنا من النظرة الاقتصادية العريقة دي لقينا ان الزوجين دول ضد الدولار بيع
    يعني
    Eur/USD ---> Sell
    GBP/USD ---> Sell
    متفقين
    طيب كدا هنقدر ب ال 300 دولار دول
    نعمل ايه
    في حل من الحلين
    يا اما نعمل حادي بادي كرمب زبادي ونخش في واحد منه بافانا كدا و يبقى لينا 30 نقطة بس نخسرهم عشان
    نبقى كدا خسرنا 1% من الحساب يا اما نتجنن و نخش في الاتنين كدا بدماغنا بردو و يبقى لينا 15 نقطة لكل واحد نخسرهم
    ويبقى خسرنا 1% من الحساب
    دي حاجة محيرة جدا الصراحة
    او ممكن نعمل كالاتي:
    احنا نحلل الزوجين بما يرضي الله وخلاص عرفنا اننا هنخش صفقات بيع لحد 2020 مثلا
    ودا ان شاء الله الي هناقشه في الطرح التاني باذن الله

    ودمتم بخير
  2. toubarpro

    toubarpro عضو

    إنضم إلينا في:
    ‏6/10/2018
    المشاركات:
    4
    العمر الفوركسي:
    من 5 الى 8 عام
    الخبرة البرمجية:
    لايوجد
    بسم الله الرحمن الرحيم
    توكلنا على الله
    دلوقتي بعد ما ظبطنا النفسية عرفنا هنخسر كام
    و ظبطنا الصفقات الي هنشتغل عليها من مبدأ بس التحليل الاساسي او الاخباري او ايا يكن
    دلوقتي نبدأ نرسم الخطة،،،، طب الخطة محتاجة ايه
    انا محتاج افتح 2 لوت يعني على الاقل عاوز رافعة مالية 1:2000
    " مثال: انا هخاطر ب 300 دولار ،،،،، انت ممكن تخاطر ب 30 دولار وتعمل 0.2 لوت لنفس المبدأ
    على سبيل المثال كل اسبوع لما السوق يبقى مقفول ومن غير ضغوط ولا سرعة ولا استعجال
    بس لازم تتخيل معايا انك لو قررت تخسر ال 300 دولار لازم تتخيل انك معاك في جيبك 30 الف
    ولو قررت تخسر ال 30 دولار لازم تتخيل معايا انك معاك في جيبك 3 الاف
    القرار دا في حد ذاته هيديك جرأة للي بتعمله واسأل مجرب لما بتخاف صدق احساسك سواء قفلت الصفقة للاسف او
    سيبتها مفتوحة هتبقى خسران،،،، يا اما هتبقى خسرت فلوس بالفعل ،،، وممكن قفلك للصفقة جنبك الخسارة الكبيرة
    بس اسمك خسرت يا اما خسرت بردو فلوسك بالفعل وبعدين ندمت لان الصفقة سبحان الله بعد ما قفلتها ردت
    يعني لحظة ما قفلتها ردت جامد كمان،،، انت مش فقر ما تقلقش انت بس خفت لدرجة انك ما قدرتش تصبر

    المهم كفانا كلاما وخلينا نبص كدا نظرة عابرة على الكلام دا هيتنفذ ازاي
    ******************************************** المهم حتى لو شركتك ايا كانت مش بتوفرلك الرافعة دي لازم من فلوسك تعرف فين الاستوب لوز بتاعك بس الفكرة بقا ان هنا مش هنحط استوب لوز تعالو بس نطلع بالصفقات هنبيع من فين

    نبدأ: اولا : الاسترليني / دولار
    طبعا انا مش هشرح انا هبدأ ارسم على الشارت على طول

    [​IMG]

    طبعا في واحد هيقلي ايه القرف دا هوا في حد بيرسم كدا دا منظر اصلا
    هقلك الرسمة دي فيها اسرار كتير
    أولا : رسم الترند مظبوط 100% و السعر بيحترمه
    مع انه مش باين يعني طيب ممكن اوضحهالك رسمتها ازاي ،،،

    [​IMG]

    طبعا رسمتها من سعر الاغلاق هتقلي طب ايه الاختراقات دي اكيد دا مش الترند لو الترند لو كان كسر
    كان ممكن يعيد يختبر وبعدين ينزل
    او ممكن يكمل من غير ما يرجع للنقطة تاني

    هقلك طيب،،،، بس انا حاطط مؤشر بيوضح الكلام دا و هنا تكمن فايدة ال Bolinger band يا جماعة
    انا مش بستفيد منه في الصفقات بس بستفيد منه اعرف الكسر للترند كاذب ولا حقيقي
    الموضوع بدأ يحلو صح،،،،،،،،،
    خلينا ناخد فاصل كدا واقلكم ان الطريقة دي ناجحة بس الفكرة فيها كلها انك تستمتع وانت بتدرس عشان تنفذها
    انا ما دخلتش في طلاسيم ولا قلتلك هارمونيك ولا اليوت انا بديك المفتاح الي لازم تصبر عشان تلاقي الصفقة المناسبة
    وتحقق المبلغ الي انت عاوزه وتمشي الي هوا ال 20% من ال 30 الف الي في جيبك لو تفتكر
    او من 3000 الي في جيبك
    طيب دلوقتي الي يعرف يفكر كدا ومن الشارت يقلي ازاي بعرف ان الكسر كاذب وازاي بعرف انه حقيقي
    خد بالك انا بجبلك كل حاجة على مراحل عشان كل مرحلة مهمة جدا في التنفيذ
    لسة قدامنا وقت نتناقش عاوز افتح المجال لاي استفسارات ان كانت موجودة
    آخر تعديل بواسطة المشرف: ‏7/10/2018
  3. toubarpro

    toubarpro عضو

    إنضم إلينا في:
    ‏6/10/2018
    المشاركات:
    4
    العمر الفوركسي:
    من 5 الى 8 عام
    الخبرة البرمجية:
    لايوجد
    انا طبعا مش عارف الصور مش بتظهر ليه لو حد امكن من الادمن يعدلها يبقى جزاه الله كل خير
  4. toubarpro

    toubarpro عضو

    إنضم إلينا في:
    ‏6/10/2018
    المشاركات:
    4
    العمر الفوركسي:
    من 5 الى 8 عام
    الخبرة البرمجية:
    لايوجد
    بسم الله الرحمن الرحيم
    طبعا هسيب موضوع الكسر الكاذب و الي مش كاذب دلوقتي
    واسيبكم تفكرو وترسمو شوية
    دلوقتي لو بصينا تاني كدا على الخطوط الي راسمها بالتركواز
    هنلاقي ان انا قررت ان دا خط الترند الأساسي الي همشي عليه
    طب ليه خليني اوضحلكم في الصورة دي
    [​IMG]
    انا دايما بعتبر ان الكسر الكاذب هوا الكسر الي بيحصل عند نقطة اخر المدى السعري الموجود
    بمعنى ان الكسر الكاذب بيكون فيه انحراف كبير عن السعر العادي للعملة ودا بيكون بسبب بس شوية ناس طايشة
    دخلت شرا او بيع فجأة و في النهاية السعر هيرجع تاني لمساره الطبيعي
    المهم خليني انضف الشارت شوية لان دايما عارفين ان المستثمرين ذاكرتهم ضعيفة شوية
    [​IMG]
    انا بس عاوز اعرف ايه ممكن يحصل هنا و بالتالي هعرف امتى احسن فرصة ليا اقدر فيها ابيع وانا مغمض
    و اخش على الخطوة الي بعدها
    ركز كدا معايا شوية انا بقول ان من الطبيعي جدا انه يتحرك زي ما انا راسم بالظبط
    لو تفتكر ان المستثمر ذاكرته ضعيفة اهم حاجة هوا العملة بالنسباله ايه دلوقتي على مدى فترة قصيرة
    هل هي غالية و لا هل هي رخيصة
    بص كدا معايا
    [​IMG]
    دلوقتي نكون خرجنا بكام صفقة ندلع بيهم نفسنا مثلا ب 0.1 لوت لغاية لما نخش في الصفقة التقيلة اوي
    ملخص الصفقات هديهالكم في البوست الي بعده احنا هنعمل ايه بالظبط

مشاركة هذه الصفحة